Herverk framt á nýggja fótbóltsvøllin í Klaksvík

Løgreglan fekk í morgun fráboðan um at onkur hevur framt herverk á nýggja fótbóltsvøllin í Klaksvík.

Arbeiðið at leggja nýtt graslíki á vøllin byrjaði í gjár, men tá fólk kom á vøllin í morgun varnaðust tey, at onkur hevði klipt bondini til hegnið av, og vóru farin inn á vøllin.

Løgreglan fortelur at komin inn høvdu hesi gravað nøkur hol í undirlagið, sum vøllurin verður lagdur á.

Løgreglan kanna málið, men hevur enn einki at ganga eftir. Løgreglan heitir á fólk, sum møguliga hava sæð okkurt, um at venda sær til løgregluna.