Hervør Pálsdóttir í barnsburðarfaroyvi

Hervør Pálsdóttir gjørdist 4. august mamma til eina gentu, og hon er tískil í barnsburðarfarloyvi frá løgtinginum 28. august.

Hesi seinastu árini er tað óvanligt, at løgtingskvinnur gerast mammur. Tjóðveldi skrivar í fráboðan, at Hervør Pálsdóttir er tann fyrsta í 17 ár, at gerast mamma meðan hon er løgtingskvinna. Tann seinasta var eisini okkara egna Annita á Fríðriksmørk, sum var í barnsburðarfarloyvi á triðja sinni í 2008.

Tjóðveldi sigur, at Hervør Pálsdóttir enn ikki hevur tikið støðu til, hvussu leingi hon verður í barnsburðarfarloyvi.

Hervør Pálsdóttir er tingbólkaforkvinna og næstforkvinna í Tjóðveldi, og hevur tí eisini aðrar uppgávur at røkja, tá tingarbeiðið ikki fyllir og Løgtingið ikki er saman.

Fyrsta varafólk á tingi hjá Tjóðveldi er Erling Eidesgaard.