Hildu seg síggja neyðrakett

Í gjárkvøldið hildu hvalbingar seg síggja eina neyðrakett út móti Lítlu Dímun.

Fráboðanin kom til MRCC beint eftir klokkan 20. Ongi skip vóru á leiðini tá fráboðanin kom, og heldur ikki komu onnur boð um ella frá nøkrum, sum var í neyð.

Kortini fór bjargingarbáturin í Hvalba, Royndin, út at kanna umstøðurnar. Leitað var í okkurt um ein tíma, men onki varð funnið, boðar Vørn frá.