Hósdagin skulu ferðafólk gjalda fyri koronakanningar

Nú skulu ferðafólk sjálvi gjalda fyri at verða kannað fyri korona við komu til Føroya.

Í dag varð uppskotið hjá Jørgen Niclasen, landsstýrismanni í fíggjarmálum um tíðaravmarkað avgjald á ferðandi einmælt samtykt í løgtinginum.

Øll 26 tingfólk í salinum atkvøddu fyri.

Gjaldið, sum ferðafólkini koma at gjalda fyri kanningarnar er 312 krónur sambært Kringvarpinum.

Lógin kemur í gildi hósdagin 1. oktober, og fer hon úr gildi aftur 1. januar næsta ár. Hon er galdandi fyri øll ferðafólk yvir 12 ár.