Hósdagin verður ríkisfundur á Marienborg

Hósdagin hittast teir tríggir stjórnarleiðararnir í ríkisfelagsskapinum, Mette Frederiksen, Múte Borup Egede, og Bárður á Steig Nielsen á árliga ríkisfundinum á Marienborg.

Hesum boðar Løgmansskrivstovan frá í tíðindaskrivi.

Eftir ríkisfundin verða uttanríkis- trygdar- og verjumál viðgjørd, og á tí fundinum verða umframt teir tríggjar stjórnarleiðararnar, eisini Jeppe Kofod, uttanríkisráðharri, Jenis av Rana, landsstýrismaður í uttanríkis- og mentamálum, Pele Broberg, landsstýrismaður í vinnu-, handils-, uttanríkismálum, Nick Hækkerup, løgmálaráðharri, Jørgen Niclasen, landsstýrismaður í fíggjarmálum og Trine Bramsen, verjumálaráðharri.

Eftir fundirnar verður skipað fyri tíðindafundi.