Hótti barrtænara eftir lívinum

Í gjárkvøldið beint fyri midnátt varð ein maður handtikin og koyrdur á løgreglustøðina, tí at hann hevði hótt einum barrtænara eftir lívinum.

Hendingin fór fram á einum skeinkistaði í Havn. Maðurin var somikið fullur, at barrtænari metti, at hesin ikki skuldi hava meir. Tá maðurin varð noktaður at keypa meira, gjørdist hann í øðini og hótti manninum eftir lívinum.

Løgreglan kom á staði og tók mannin. Hann blásti í alkoholmetrið, og varð koyrdur á løgreglustøðina, har hann sleppur at sova rúsin av sær. Tá hann er klárur verður hann avhoyrdur, skuldsettur og koyrdur út aftur.