Høvdu illgruna um oljudálking

Hósmorgunin boðaði ein tyrla hjá Arktisk Kommando frá, at hon hevði sæð ein stóran blett á sjónum uml. 40 fjórðingar norðanfyri Føroyar.

Illgruni var um, at talan var um oljudálking, so MRCC sendi eina tyrlu at kanna málið, men tá tyrlan kom á staðið, var eingin oljublettur at síggja.

Vaktleiðarin á løgreglustøðini í Havn sigur, at onkrir trolarar vóru í økinum, sum vóru ávegis til fiskiskap, og kann talan tí hava verið um fiskalýsi.