Høvuðsmotararnir steðgaðu

Sam mátti í kvøld hava hjálp frá Ziska at koma upp á pláss í Klaksvík.

- Tá Sam kom úr Kalsoynni fyri løtu síðani og inn ímóti atkløgubryggjuni steðgaðu høvuðsmotararnir, sigur Jóan Petur Abrahamsen, tøkniligur leiðari hjá SSL, við útvarpið.

- Hann kom beint inn móti bryggjukantinum beint við atløgubryggjuna. Hann tók ikki í nakað á vegnum, men Ziska hjálpti honum upp á pláss, sigur Jóan Petur Abrahamsen.

Brekið er funnið, og Sam er farin í sigling aftur.