Hvalbiar kommuna skipar fyri flakakapping

Í sambandi við at Hvalbiar kommuna skipar fyri grillhugna á spæliplássinum á Heyggi leygardagin 8. august, verður eisini skipað fyri flakakapping á Heygsvatni.

Øll kunnu verða við til at byggja og sigla á flakanum. Einasta treyt er, at øll sum eru á flakanum eri í bjargingarvestum, skrivar Hvalbiar kommuna á heimasíðuna.

– Ein kreativan, litfagran ella bara stuttligan flaka, ja bert hugflogi kann seta markið. So finn kreativa hattin fram og fara í gongd við at hugsa um ein flaka og byrja at byggja.

Flottasti flakin fær eitt skreytblað og eitt gávukort, og aftaná verður grillhugni.

Meira kunning fæst her.