Hvalbiartunnilin bjóðaður út

Høvuðsarbeiðstøkan av Hvalbiartunlinum er nú bjóðað út til undangóðkenning. 

Talan er um ein umleið 2.540 metrar langan tunnil og landsveg frá tunnilsmunnanum trongisvágsmegin til verandi landsveg í Trongisvági.

Landsvegur verður somuleiðis gjørdur frá tunnilsmunnanum hvalbiarmegin til Nesveg, tætt við brúnna um Kjógvavatn. Nýggj íbinding út í Nes skal eisini gerast.

Samlaða nýggja vegalongdin verður umleið 3.480 metrar.

Freistin at lata Landsverki inn tilfar er 26. oktober og ætlanin er at bjóða arbeiðið út seinni í ár, og at byrja arbeiðið í 2019.

Verkætlanin at gera Hvalbiartunnilin er mett at verða liðug í seinasta lagi í 2022.