Hvidbjørnen vendi við tá Paul Watson kom í føroyskt øki

Hvidbjørnen hevði sett kós suðureftir, men í tí løtuni skipið hjá Paul Watson, John Paul de Joria, fór inn um 12 fjórðingamarkið, kúvendi danska verjuskipið, og sigldi við nógvari ferð á Havnina.

Tað bleiv tó ikki til nakran stórvegis dramatikk, tí grindadrápið var langt síðani yvirstaðið tá John Paul de Joria kom í Nólsoyarfjørð.

John Paul de Joria í Nólsoyarfirði í gjár (Mynd: Simon Nordendal / DroneDirector)

Fishfacts hevur gjørt video sum vísir hvussu John Paul de Joria og Hvidbjørnen hava siglt seinastu 24 tímarnar. Sí ovast.