Ikki stórvegis trupulleikar av serbisku áskoðarunum

Einir 65 serbiskir áskoðarar vóru komnir til Føroya at stuðla sínum liði Radnicki 1923, sum spældi seinna dystin í Conference League móti KÍ í Klaksvík í gjárkvøldið.

Løgreglan hevði fyrireikað seg til hetta, og alt spældi væl av, sigur vaktleiðarin á løgreglustøðini í morgun.

Teir vóru í góðum lag, men skikkaðu sær sum heild, væl, verður sagt. Teir fara av landinum í dag.

Áðrenn dystin hitaðu serbarnir upp í Roykstovuni og gingu yvir móti leikvøllinum nakað áðrenn dystarbyrjan. Har gekk eisini alt friðarliga fyri seg.