Ingi Samuelsen
Í døgunum 8. og 9. oktober verða donsku kongshjúnini fyri fyrstu ferð vertir fyri eini almennari útlendskari vitjan í Danmark.
Og gestirnir vera íslendsku forsetahjúnini, Halla Tómasdóttir og maður hennara, Björn Skúlason.
Samstundis, sum hetta verður fyrsta almenna vitjanin hjá einum ríkishøvdi í Danmark síðan Fríðrik gjørdist kongur, so er hetta eisini fyrsta almenna uttanlandsvitjanin hjá íslendsku forsetahjúnunum.
Halla Tómasdóttir varð vald til íslendskan forseta eftir Guðna Th. Jóhannesson á forsetavalinum 1. juli. Halla fekk 34 prosent av atkvøðunum framman fyri fyrrverandi forsætisráðkvinnuna Katrín Jakobsdóttir, ið fekk 25 prosent. Halla tók við forsetaembætinum 1. august í ár.
Fríðrik krúnprinsur gjørdist Fríðrik X kongur, tá móður hansara, Margrethe II drotning, legði frá sær 14. januar í ár eftir at hava sitið á trónuni í 52 ár.
Vinarliga broyt tínar kennifíla - og privatlívsstillingar fyri at síggja hetta innihald