Næstan helmingurin av føroysku veljarunum metir, at tað fer at gagna Sambandsflokkinum, at Helgi Abrahamsen í farnu viku varð skiftur út við Magnus Rasmussen sum landsstýrismaður við vinnumálum.
Tað vísir ein kanning, sum Spyr.fo hevur gjørt fyri Portalin. 500 veljarar fingu spurningin týskvøldið.
45 prosent svara ja til spurningin “Fer tað at gagna Sambandsflokkinum, at Helgi Abrahamsen er skiftur út við Magnus Rasmussen sum landsstýrismaður við vinnu- og unhvørvismálum?” 17 prossent svara nei upp á spurningin, meðan 37 prosent siga seg ikki vita.
Millum veljararnar hjá núverandi samgonguflokkunum svaraði ein meiriluti, 55 prosent, at tað fer at gagna Sambandsflokkinum.
Spyr.fo setti eisini henda spurningin: “Hvussu væntar tú, at Magnus Rasmussen fer at røkja málsøkið samanborið við Helga Abrahamsen?”
Ein lítil helmingur, 48 prossent, av veljarunum væntar, at nýggi landsstýrismaðurin fer at klára seg betri, og millum veljararnar hjá samgonguflokkunum eru væntanirnar enn hægri: 54 prosent vænta at Magnus fer at klára sesg betri.
Sí úrslitið av kanningini herundir (trýst á merkið fyri at vaksa um myndina):
Vinarliga broyt tínar kennifíla - og privatlívsstillingar fyri at síggja hetta innihald