Jan Restorff og ferðavinna í Kongshøll 6. mars

Matstovan norðanfyri Keypmannahavn, har Jan Restorff er matstovuleiðri,  hevur fingið Michelin stjørnu fjúrtan ár á rað. Havnarmaðurin hevur eisini fingið persónligar heiðurslønir fyri sítt arbeiði.

6. mars fer Jan millum annað at greiða frá, hvussu hann tryggjar eitt høgt tænastustig hvønn dag í árinum. Hetta skrivar Tórshavnar kommuna. 

Ferðavinnan verður eisini á breddanum. Jóhanna á Bergi, stjóri í Atlantsflogi, Rúni Poulsen, stjóri í Smyril Line og Karin Visth, vínovasti í Gist & Vist, fara eisini at hugleiða um ferðavinnuna í framtíðini.

Harumframt fer Annika Solveig Hedegård Isfeldt, mannfrøðingur, at siga frá, hvussu ferðavinnan ávirkar føroyingar.