Jógvan Kruse verður borgarstjóri í Sunda kommunu

Tað verður Jógvan Kruse, sum avloysir Heðin Zachariassen sum borgarstjóri í Sunda kommunu komandi ár.

Tað gjørdist greitt, tá nývalda býráðið í kommununi skipaði seg hósdagin.

Jógvan Kruse var eisini tann í kommununi, sum fekk flestar atkvøður á kommunuvalinum. Hann fekk 103 persónligar atkvøður á Lista A.

Varaborgarstjóri komandi fýra árini verður Eyðstein Zachariasen, sum fekk næstflestar atkvøður á Lista A – 91.