Jóhanna Lava Køtlum er nýggj nevndarforkvinna í BankNordik

Nevndin í Banknordik hevur skipað seg av nýggjum við Jóhonnu Lava Køtlum sum nevndarforkvinnu.

Tað skrivar bankin á heimasíðuni.

Sverre Bjerkeli er farin frá sum nevndarformaður í BankNordik, men heldur tó fram sum vanligur nevndarlimur. Nevndin hevur tískil skipað seg við Jóhonnu Lava Køtlum sum nevndarforkvinnu og Jógvani Jespersen sum næstformanni.

Jóhanna Lava Køtlum er stjóri í P/F Fiskaaling, og Jógvan Jespersen er stjóri í Felagnum Nótaskip.

Nevndin í BankNordik er nú skipað soleiðis:

• Jóhanna Lava Køtlum, forkvinna

• Jógvan Jespersen, næstformaður

• Sverre Bjerkeli, aðalfundarvaldur nevndarllimur

• Ben Arabo, aðalfundarvaldur nevndarlimur

• Michael Ahm, aðalfundarvaldur nevndarlimur

• Kenneth M. Samuelsen, starvsfólkaumboð

• Rúna Hentze, starvsfólkaumboð

·• Alexandur Johansen, starvsfólkaumboð