Jólatræið í Vágstúni tendrað 29. november

Leygardagin 29. november klokkan 16 verður jólatræið í Vágstúni í Klaksvík tendrað.

Øssur Kjølbro, sóknarprestur og Annika S. Biskopstø, varaborgarstjóri halda røðu, Klaksvíkar Hornorkestur spælir hugnaligan jólatónleik.

Jólamaðurin kemur at tendra jólatræið við hjálp frá Trøllapætur og ommudidd, og hava teir hava eisini pakkar við til børnini. Aftaná verður ein kaffimunnur í Varpinum, skrivar Klaksvíkar kommuna.

Hini jólatrøini í kommununi verða tendrað millum 27. november og 6. desember. Yvirlit sæst á heimasíuni hjá kommununi.