Kann missa koyrikortið eftir ferðsluóhapp

Ein bilførari, sum í gjár ikki helt treytaleysa víkiskyldu við krossin niðast á Landavegnum / Fríðriks Petersens gøta, kann missa koyrikortið.

Bilførarin bar við ein bil sum kom eftir Fríðrik Petersens Gøtu.

Eingin fólkaskaði stóðst av hesum, og materielli skaðin var lítil, upplýsir løgreglan í morgun.

Hinvegin kann hetta kosta bilføraranum, sum kom koyrandi eftir Landavegnum koyrikortið. Hann verðir skuldsettur fyri ikki at halda víkiskylduna.