Kannaðu fyri koronu á útoyggj í góðveðrinum

Kalsoy, Fugloy, Svínoy, Stóra Dímun, Skúvoy, Hestur og Mykines.

Eitt ferðalið hjá Sjúkrahúsverkinum var í dag á hesum sjey oyggjum og kannaðu fólk fyri koronu. Allastaðni var móttøkan og undirtøkan góð og umleið 250 fólk lótu seg kanna.

Veðrið var av tí fagrasta, tó at mjørkin hevði hug at arga viðhvørt. Frálíku pilotarnir hjá Atlantic funnu tó hvørja ferð eina leið niður á tyrluplássið, so øll á útoyggj fingu møguleikan at lata seg kanna í dag, sigur Landssjúkrahúsið.