Kanning: Stendur á jøvnum millum reyða og bláa blokk

Tað stendur á jøvnum millum reyða og bláa blokk í Danmark.

Tað vísir nýggj veljarakanning, sum Epinion hevur gjørt fyri DR.

Reyði blokkur fær 47,7 % av atkvøðunum, meðan blái blokkur fær 46,7 %.

Sambært kanningini verður Danski javnaðarflokkurin størsti flokkur við 19,1 prosent av atkvøðunum, meðan hinir báðir stjórnarflokkarnar, Vinstra og Moderaterne fáa ávikavist 10,3 % og 5,2 %.

Flokkurin hjá sitandi forsætisráðharranum, Mette Frederiksen hevur eina afturgongd á 8,4 %, meðan afturgongdin hjá Vinstra og Moderaterne er ávikavist 3,0 og 4,1 %.

Sitandi stjórnin fær tilsamans 60 sessir í Fólkatinginum, sum er 29 færri enn á seinasta vali í 2022, tá stjórnin fekk 89 sessir - tá umboðini úr Føroyum og Grønlandi ikki eru tald við.

Fólkatingsval verður 24. mars.