Karelia bunkrar á Fuglafirði

Seinnapartin í dag fór russiski trolarin Karelia av Ánunum til Fuglafjarðar at bunkra. Síðani fer skipið úr Føroyum.

23 av teimum 30 umborð á skipunum, sum vóru kannaðir í sambandi við koronatilburðin har fyrradagin, hava fingið staðfest korona. Manningin telur 70 mans.

(Mynd: Esmar Klakstein)

Manningin umborð hevur fingið greið boð um, at tað ikki er loyvt at fara út í býin at reika.

Og í Fuglafirði verður heldur ikki farið í land, og økið á keiini er avbyrgt.

Heilsumálaráðið upplýsti seinnapartin, at átta føroyingar hava verið í samband við russiska trolaran, og eru allir settir í sóttarhald.

Sambært Heilsumálaráðnum fer skipið aftur til fiskiskap, tá liðugt er at bunkra.