Kári P. Højgaard verður vertur í útvarpssending

Fyrrverandi tingformaðurin og floksformaðurin fyri Sjálvstýrisflokkin, Kári Páll Højgaard, gjørdist ikki pensjónistur leingi eftir at hann gavst sum politikari.

Útvarpsstøðin í Eysturoynni, R7, boðar í dag frá, at Kári P. Højgaard fær sína egnu seinnapartssending á útvarpsrásini eina ferð um vikuna.

Í fráboðanini frá úgvarpsstøðini verður onki sagt um, hvat innihaldið í sendingini verður, bert at talan verður um áhugaverda sending, sum verður hvønn mikudag frá klokkan 13 til 15, fyrstu ferð í ovurmorgin, mikudagin 20. november.

Kári P. Højgaarder 68 ára gamal, og varð fyrstu ferð valdur á ting í 2002. Hann var formaður Sjálvstýrisfloksins frá 2003 til 2010 og aftur frá 2011 til 2015.

Hann stillaði ikki uppaftur til løgtingsvalið í ár.