Innanlands

Klintraði ov høgt upp – Slapp ikki niður aftur

Ein tíggju ára gamal drongur ringdi til løgregluna frá einum spæliplássi í Havn, tí vinmaður hansara sat fastur í einum torni

(Savnsmynd)

(Savnsmynd)

2020-07-12 10:30 Author image
Alda Nielsdóttir
placeholder

Seinnapartin í gjár, beint fyri klokkan fýra, varð ringt til løgregluna av einum spæliplássi í høvuðsstaðnum.

Talan var um ein tíggju ára gamlan drong, sum var klintraður upp í eitt torn á spæliplássinum, og sum ikki slapp niður aftur.

Tað var javngamli vinmaður hansara, sum ringdi til løgregluna um hjálp.

Boð vórðu síðani send eftir sløkkiliðnum, og drongurin kom niður aftur í øllum góðum.

Talan var um eitt rættiliga høgt torn, so tað var øgiliga gott, at drongurin ringdi til løgregluna, sigur vaktleiðarin á politistøðini.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder