Koyrdi ávirkaður av rúsdrekka

Fyrrapartin í gjár tók løgreglan ein bilførara fyri rúsdrekkakoyring.

Viðkomandi varð steðgaður á Skálafjørðinum beint fyri klokkan 11. Illgruni var um, at bilførarin var ávirkaður, og hetta staðfesti ein kanning eisini.

Bilførarin er tí skuldsettur fyri rúsdrekkakoyring, sigur vaktleiðarin á løgreglustøðini í Havn, sum leggur afturat, at seinasta samdøgrið hevur verið rættiliga friðarligt.

Hetta vikuskiftið eru tilsamans tríggir bilførarar tiknir fyri at koyra ávirkaðir av rúsdrekka.

Ein varð eisini tikin í Vágum klokkan seks sunnumorgunin, og ein varð tikin í sambandi við eitt ferðsluóhapp í miðstaðarøkinum sunnunáttina.