Koyrdi ávirkaður og rendi á garð

Hóast nógv fólk hava verið í býnum í nátt, hevur náttin sum heild verið friðarlig, upplýsir vaktleiðarin á løgreglustøðini í Havn.

Tó var eitt ferðsluóhapp á Sandoynni, har ein bilur rendi á ein garð.

Tað vísti seg so, at førarin var ávirkaður av rúsdrekka, og er hann skuldsettur fyri hetta.

Lagt verður afturat, at eingin fólkaskaði stóðst av óhappinum.