Koyrdu av vegnum: Rættiliga ávirkaðir av rúsdrekka

Klokkan 4 í nátt fekk løgreglan fráboðan um, at ein bilur var farin av vegnum omanfyri Hvítanes.

Tá løgreglan kom á staðið vóru tveir menn nærhendis, og tað vísti seg at tað eru helst teir sum hava koyrt. Trupulleikin var bara, at teir vóru so fullir og skiltu heldur ikki, hvat bleiv sagt við teir.

Talan er um útlendingar.

Menninir vóru koyrdir á støðina, og har liggja teir enn og sova rúsin av sær. Tá teir fáa eygu, verða teir skuldsettir, upplýsir vaktleiðarin á løgreglustøðini í morgun.

Hvørgin teirra fekk nakran skaða, men bilurin fór illa.

Nú skulu kanningar gerast av bilinum, so staðfestast kann, hvør av teimum hevur koyrt bilin.