Krúnprinsurin fingið staðfest diskusprolaps - men avlýsir ikki Føroyatúrin

Fríðrikur krúnprinsur hevur fingið staðfest diskusprolaps í vinstru síðu. Hesum boðar Kongshúsið frá í tíðindaskrivi í kvøld.

Hóast talan er um ein minni skaða, kann støðan versna, rennur krúnprinsurin 10 kilometrar teinarnar í ársins Royal Run.

Krúnprinsurin luttekur allíkavæl lutvíst í Royal Run, og gongur “One mile - Family“ teinin í Aarhus, har ung og gomul ganga stutta teinin. Eisini verður krúnprinsurin til staðar til Royal run í Føroyum og Keypmannahavn, upplýsir Kongshúsið.

Royal Run í Klaksvík verður leygardagin 1. juni, og heili 3.700 fólk hava meldað seg til.