Kunna um nýggj koronu-tilmæli fyrrapartin

Tað eru bara fýra, sum eru positiv við covid-19 í Føroyum í løtuni, men kortini bendir okkurt á, at koronutilmælini vera herd í dag.

Løgmansskrivstovan skipar fyri tíðindafundi í Kringvarpinum klokkan 9.

Í grannalondunum eru koronatølini vaksin nakað, og farsóttarnevndin hevur givið landsstýrinum tilmæli um hvat kann gerast fyri at minka um vandan fyri útbroti í Føroyum.

Á tíðindafundinum verða Bárður á Steig Nielsen, løgmaður, Kaj Leo Holm Johannesen, landsstýrismaðurin í heilsumálum, og læknafakligi ráðgevin hjá Heilsumálaráðnum.