Kunngerðir sambært nýggju almannalógini til hoyringar

Um ársskiftið kemur lóg um almannatrygd og tænastur í gildi, og í hesum sambandi er Almannamálaráðið farið undir tilgongdina at orða kunngerðir.

Tær fyrstu kunngerðirnar eru sendar til hoyringar og freistin at svara er 26. november.

Kunngerðirnar verða eisini lagdar á hoyringarportalin hjá landsstýrinum, har øll við áhuga kunnu koma við viðmerkingum.

Lóg um almannatrygd og tænastur, sum avloysir gomlu forsorgarlógina, varð einmælt samtykt í løgtinginum í vár, og kemur í gildi 1. januar 2021.

Uppskotini til nýggju kunngerðirnar síggjast her.

– Almannamálaráðið