Kunnu vænta seinkingar á suðuroyarleiðini komandi vikurnar

Komandi vikurnar kunnu væntast seinkingar á suðuroyarleiðini.

Tað boðar Strandferðslan frá á heimasíðuni.

– Vegna viðlíkahaldsarbeiði siglir Smyril við trimum motorum. Seinkingar kunnu sostatt væntast á leið 7 frá mánadegi 16. oktober og áleið tvær vikur fram, stendur á ssl.fo.

– Fráferðirnar hjá Smyril av Krambatanga mánadag, mikudag, og hósdag verða fluttar frá 11:30 til kl.12:00 og hósdag av Havnini frá kl. 14:15 til 14:45.