Landsinnsavningin hjá Reyða Krossi fyribils útsett

Reyði Krossur skipar á hvørjum ári fyri eini landsinnsavning, ið hevur til endamáls at savna inn pening til hjálpararbeiðið í Føroyum og kring heimin.

Hóast tilbúgvingin hjá Reyða Krossi her í Føroyum hevur verið virkin meginpartin av árinum, og hóast neyðin kring heimin er ovurstór í hesum døgum, førir koronastøðan tíverri við sær, at tað ikki er ráðiligt at halda eina vanliga hurð-til-hurð landsinnsavning fyrst í september mánað. Landsinnsavningin er tí fyribils útsett.

Kunnað verður nærri, tá støða er tikin til nær ella um hon skal haldast í 2020.

– Reyði Krossur