Landssjúkrahúsið: Føðifyrireiking byrjar aftur

10. august boðaði Landssjúkrahúsið frá, at korona ávirkaði føðideildina. Ein av mongu avleiðinginum av hesum var, at eingin føðifyrireiking fór at verða fyribils.

Men í gjár varð boðað frá, at føðifyrireikingarnar verða tiknar uppaftur á Landssjúkrahúsinum í september og november.

Føðifyrireiking verður á Landssjúkrahúsinum týsdagin 15. september, týsdagin 22. september, mikudagin 11. november, og mikudagin 18. november.

Landssjúkrahúsið heitir á barnakonur um at fylgja við á heimasíðuni ella á Facebook-vanganum hjá Landssjúkrahúsinum, tí broytingar kunnu koma fyri.