Innanlands

Sjúkrahúsini kring landið lata nú aftur fyri vanligum vitjanartíðum

Tað er einans í heilt serligum førum, at avvarðandi kunnu vitja sjúklingar, og vitjandi skulu bera munnbind. Ógreitt er, hvussu leingi hetta er galdandi

2020-08-06 15:05

Agnar Prestá

Korona er av álvara aftur í Føroyum, og hetta ávirkar ymsar partar av samfelagnum.

Eins og tá nógvir smittutilburðir vóru seinast, er tað nú ikki møguligt at vitja í vanligu vitjunartíðunum. Hetta er galdandi fyri øll trý sjúkrahúsini í landinum komandi tíðina.

- Einans í heilt serligum førum kunnu avvarðandi vitja sjúklingar. Í teimum førum skal avtala gerast við deildina frammanundan við at ringja til sjúkrahúsið.

Sjúkrahúsini boða eisini frá, at tá vitjað verður, skulu vitjandi bera munnbind.

(Greinin er dagførd 6. august 15:40, og rættað í mun til, at hetta er galdandi fyri Suðuroyar Sjúkrahús eisini)

Vinarliga broyt tínar kennifíla - og privatlívsstillingar fyri at síggja hetta innihald