Innanlands

Landstýrismaðurin í heilsumálum: Heilsupolitiska kósin verður hildin

Koronafarsóttin hevur órógvað, men Kaj Leo Holm Johannesen vísur á, at gongd er í øllum málunum á heilsuøkinum, sum nevnd eru í samgonguskjalinum

Mynd: Sverri Egholm

Mynd: Sverri Egholm

2020-09-15 16:00 Author image
Agnar Prestá
placeholder

- Vit kunnu ikki annað enn vera errin av, at vit hava megnað so nógv higartil, serliga sæð í ljósinum av at koronafarsóttin hevur herjað helvtina av tíðini, síðani samgongan tók við, og ikki minst hevur farsóttin havt ógvusliga órógv við sær á øllum økjum, sum hava við okkara heilsuverk at gera

Hetta sigur landsstýrismaðurin í heilsumálum, nú eitt ár er farið av samgonguskeiðnum. Á heimasíðuni hjá Heilsumálaráðnum vísur Kaj Leo Holm Johannesen á, og fegnast um, at gongd er í øllum málunum á heilsuøkinum, sum nevnt eru í samgonguskjalinum og at fleiri av ætlaðu átøkunum og tilboðunum eru longu farin at virka.

Økini eru viðgerðartrygd, demens, krabbamein, sálarheilsa, rehabilitering, og fleiri serlæknar.

Til ber at lesa meira um hvussu heilsumálaráðharrin metir um gongdina á økjunum her

Til komandi ár skal nýggj fíggjarlóg smíðast, og Kaj Leo Holm Johannesen vil ikki taka ferðina av á heilsuøkinum. H-bygningurin á Landssjúkrahúsinum verður tikin í nýtslu næsta ár.

placeholder
placeholder