Alda Nielsdóttir
Filmsleikstjórin, Roger Michell, ið helst er best kendur fyri at hava leikstjórnað romantiska komediufilmin "Notting Hill" við Julia Roberts og Hugh Grant í 1999, er deyður 65 ára gamal. Tað skriva fleiri altjóða miðlar.
Hann andaðist mikudagin 22. september, sambært almennu fráboðanini, sum einki sigur um deyðsorsøkina.
Roger Michell varð føddur í Suðurafrika í einari bretskari diplomatfamilju, og sum barn ferðaðist hann tí víða og búði hann bæði í Beirut, Damaskus, og Prag, áðrenn hann setti sær búgv í Stórabretlandi.
Eftir "Notting Hill" leikstjórnaði hann m.a. filmin "Changing Lanes" við Ben Affleck og Samuel L. Jackson í 2002. Áðrenn hann byrjaði at leikstjórna filmar fekk hann tó eisini stóra virðing fyri sjónleikir, sum hann hevði leikstjórnað.
Fyrr í hesum mánaðinum var hann á fleiri filmsfestivalum fyri at promovera film sín "The Duke" við Hellen Mirren í høvuðsleiklutinum.
Vinarliga broyt tínar kennifíla - og privatlívsstillingar fyri at síggja hetta innihald