Leita eftir manni í sandavágshaganum

Í alla nátt hevur verið leitað eftir manni, sum í gjár fór til gongu av Slættanesi móti Sandavági. Tá maðurin ikki kom fram, varð farið at leita eftir honum í gjárkvøldið.

Vaktleiðarin á løgreglustøðini sigur, at leitingin heldur fram í morgun. Løgreglan hevur tí eina áheitan á fólk um ikki at fara í sandavágshagan norðan fyri Hálsin í Sandavági, tí hetta órógvar leigingina við hundum.

Í alla nátt hevur verið leitað, eisini við dronum, og í bátum fram við landi í Vestmannasundi.

Líkindi hava ikki verið at brúka tyrluna í nátt, men ætlandi verður tyrlan tikin í brúk í morgun.

Løgreglan upplýsir at talan er um ein mann í sekstiárunum, sum er staðkendur í haganum millum Slættanes og Sandavág.

Teir høvdu verið á nátaveiðu í gjár, tá teir løgdu inn í Slættanesi at hvíla seg eina løtu. Ein av monnunum avgjørdi tá at fara til gongu til Sandavágs heldur enn at sigla. Hetta var um fýra tíðina seinnapartin í gjár.

Tað hevur ikki verið møguligt at fáa samband við fartelefonina hjá manninum, tí hon var útbrend fyri streym longu áðrenn maðurin fór til gongu av Slættanesi, upplýsir vaktleiðarin

Maðurin funnin