Leivdir frá fletting skulu burturbeinast á rættan hátt

Nú heystfjøllini verða gingin, minnir Umhvørvisstovan á, at leivdir frá fletting eiga at verða burturbeindar á rættan hátt.

– Leivdir frá fletting eiga at verða burturbeindar á rættan hátt, og ikki gravast niður ella tveitast í ánna, fjøruna, á bøin ella í hagan. Henda dálking av umhvørvinum kann verða atvold til rottu og spjaðing av smittu, gevur ringan lukt og sær ótespilig út.

IRF hevur eina vegleiðing til burturbeining eftir fletting:

• Lat seyðaskinn til góðkenda endurnýtslu.
  
• Tøm vemburnar.
  
• Lat blóð og annað vatn seta frá, áðrenn leivdir frá fletting verða burturbeindar.
  
• Lat innvøl og leivdir í plastposar, áðrenn tað verður latið í bingjurnar.