Tíðindaskriv
Fróðskaparsetur Føroya: Vinnaraorðið verður funnið á tann hátt, at lurtarar senda morgunsendingini hjá KVF uppskot um orð, og so viðger ein nevnd uppskotini og velur besta orðið.
Í nevndini sita Ragnar Sigrunarson, málsligur ráðgevi og samskipari í Málráðnum, Jón Brian Hvidtfeldt, formaður í felagnum Føroysk Miðlafólk, og Óluva Klettskarð, sum er forkvinna í felagnum Føroyamál.
Hósdagin almannakunngjørdi nevndin so í Góðan Morgun Føroyum, at ársins orð 2022 er “stuttflutt”.
- Stuttflutt er eitt snøgt orð, sum riggar væl og sigur rættiliga nógv, grundgav Óluva Klettskarð.
Tað er Lena Reinert á Føroyamálsdeildini, sum hevur gjørt snøgga orðið.
Fríggjamorgunin var Lena so í GMF, har hon m.a. greiddi frá, at hon fann upp á orðið í 2017/18.
- Tað er samanrenningin av mínum upphavi, uppvøkstri og útbúgving, sum hevur skapt orðið, segði Lena m.a. í samrøðuni, sum tit kunnu hoyra her.
Les eisini: Stuttflutt er ársins orð
Vinarliga broyt tínar kennifíla - og privatlívsstillingar fyri at síggja hetta innihald