Liljan Weihe aftur fingið uppsagnarskriv

Liljan Weihe, tíðindaleiðari, hevur aftur fingið uppsagnarskriv.

Tað váttar hon fyri Portalinum men sigur, at hon ongar viðmerkingar hevur til málið. Hon sigur at Sigmund Poulsen, advokatur hennara úttalar seg í málinum. 

Tí er ikki greitt, um hon hevur fingið uppsagnarskriv við tilboðið um nýtt starv, sum mentamálaráðið segði var møguligt í niðurstøðuni til kærumálið hjá Liljuni, um kringvarpsstjórin vildi flyta Liljuna í annað starv á stovninum. 

Kári Sólstein, fyribilsstjóri í Kringvarpinum, hevur enn somu støðu í málinum. Hann sigur, at hettar er eitt innanhýsis starvsfólkamál í Kringvarpinum, og at hann tí ikki hevur viðmerkingar til málið. 

Portalurin fylgir málinum.