Lítil grind lagt beinini í Streymnesi

Ein grind, sum varð funnin á Rituvík um 13 tíðina seinnapartin legði um 17 tíðina beinini í Streymnesi.

Talan var um, einar 50-60 hvalir.

Drápið gekk skjótt. Nakað av bátum vóru við í rakstrinum, men nakað fleiri fólk kundi verið á sandinum, sigur Jacob Vestergaard, sýslumaður.

Býtt verður í dráps- og rakstrarpartar, men møguliga eisini í heimapartar.

Enn er ikki greitt nær seðlarnir koma út.