Livandi – Útgávukonsert hjá Døgg Nónsgjógv

Tann vaksni kærleikin fær lív og ljóð, tá Døgg Nónsgjógv gevur út heildarútgávuna Livandi 27. august. Tvær dagar seinni, 29. august klokkan 21, bjóðar hon til útgávukonsert í Reinsarínum.

– Útgávan fevnir um 11 nýggj løg, sum lýsa kærleikan, tá hann er vaksin og veruligur. Løgini siga frá styrki og veikleikum, sárum og vón – alt tað, sum ger kærleikan menniskjaligan.

– Vit kenna Døgg frá "Tú tók mína hond", frá vøkru duettini í Aldingarðinum hjá Marius Ziska, og fleiri løgum, ið hava fest seg í hjørtuni hjá lurtarunum. Hennara rødd er ofta samanborin við Lisu Ekdahl – mjúk, innilig og við djúpd – men Døgg er heilt sín egna.

Á konsertini verður eisini framførsla saman við Høgna Lisberg, Jan Rúna Poulsen, Johan Hentze, Mattiasi Kapnas og fleiri øðrum, skrivar Torsgøta í tíðindaskrivi.