Lognberg og listi A fingu meirilutan

Í Skopunar kommunu var tætt og spennandi val. Listi A fekk 159 atkvøður og listi B fekk 153 atkvøður.

Tað merkir at listi A hevur vunnið sær trý umboð og hevur meirilutan, meðan listi B fær tvey umboð í kommunustýrinum.

Borgarstjórin seinastu nógvu árini, Gerhard Lognberg á lista A, fekk 64 atkvøður. Marjun S. Debes fekk næstflestar atkvøður við 56 atkvøðum.

Sostatt bendir alt á, at Gerhard Lognberg heldur fram sum borgarstjóri.

Nýggja kommunustýrið í Skopunar kommunu:
Gerhard Lognberg 64 atkvøður
Marjun S. Debes 56 atkvøður
Winnie Kjærbo 45 atkvøður
Fríðfinn Nicolajsen 32 atkvøður
Hallmar Winther 21 atkvøður

Valluttøkan var 91,6 prosent.