Løgreglan illgruna til eldásetara

Seinastu vikuna hevur løgreglan arbeitt við eldsbrunanum í almenna vesinum í Mylnugøtu millum Vágsbotn og Vaglið leygardagin.

Eldurin kyknaði í einum ruskílati og staðfest er, at tað ikki festi í av sær sjálvum.

Eingi vakmyndatól eru í økinum, og heldur ikki var nakað vitni til eldin.

Men løgreglan heldur seg kortini hava funnið fram til tann, sum skal hava sett eld á, og fer at seta seg í samband við viðkomandi ein av næstu døgunum.

Talan er ikki um ein óvita, men eitt vaksið fólk, upplýsir løgreglan.

(Mynd: Ronnie Thomassen)