Løgreglan: Stak friðarlig nátt

Í nátt hevur verið stak friðarligt, og lítið av fólki hevur verið at sæð í náttarlívinum, sigur løgreglan.

Hetta er uttan iva orsakað av, at skeinkistøðini og matstovurnar nú skulu lata aftur í seinasta lagi klokkan 23.

Fríggjadagin var eitt stað í Eysturoynni, sum hevði opið til á midnátt, og er eigarin tann fyrsti at verða skuldsettur fyri brot á nýggju kunngerðina.

Les eisini: Breyt kunngerðina á fyrsta degi

Leygarkvøldið var tó eingin, sum hevði opið longri enn loyvt, og summi lótu enntá aftur áðrenn klokkan 23, sigur vaktleiðarin á politistøðini.