Løgreglan: Tað hevur verið heilt friðarligt

Hóast nógv hevur verið á skránni, hevur seinasta samdøgrið verið stak friðarligt, sigur løgreglan.

Hetta vikuskiftið er Varmakelda og Sandoyarstevna, og eisini hava nógv fólk verið í býnum. Kortini hevur løgreglan ikki skrásett nakað mál í hesum sambandi.

– Tað er eitt sindur merkisvert fyri eitt leygarkvøld, tá tað er so nógv á skránni, sigur vaktleiðarin á løgreglustøðini í Havn.