Longu nú kann atkvøðast fyri Janusi

Leygarkvøldið klokkan 19 føroyska tíð fer danska Melodi Grand Prixið av bakkastoki, og tá fer Janus Wiberg Mortensen at framføra lagið "I Need Your Love".

Men longu nú ber til at atkvøða fyri Janusi - og hinum luttakarunum - við appini DR Grand Prix. Á appini skalt tú skráseta teg við telefonnumari, men tað er ókeypis at atkvøða.

Til ber at atkvøða einaferð um dagin til og við fríggjadagin.

Um tú hevur appina DR Grand Prix frá í fjør, skalt tú dagføra hana fyri atkvøða.

Janus Wiberg Mortensen luttekur í Melodi Grand Prix við lagnum "I Need Your Love" (Mynd: DR)