Málið um tíðindaleiðaran: Freistin at svara flutt eina viku

Síðst í august skrivaði portalurin, at Liljan Weihe hevði fingið fjórða uppsagnarskrivið frá Kringvarpinum. Hon hevði samstundis fingið bjóðað eitt akademiskt starv í stovninum. Tað vil siga, at Liljan varð uppsøgd, um hon ikki tók av nýggja starvinum. 

Les eisini: Liljan hevur fingið bjóðað akademiskt starv í Kringvarpinum 

Freistin hjá Liljuni og advokati hennara at svara, um hon tók av starvinum var í dag, 14. septembur. Men hendan freistin er nú flutt til 21. septembur. 

Sostatt verður ikki greitt, um málið fær ein enda við hesum fjórða uppsagnarskrivið, fyrr enn um eina viku.