Margreta drotning innløgd

Margreta drotning varð seinnapartin innløgd á Ríkissjúkrahúsinum orsakað av hjartakrampa.

Hon verður verandi innløgd í vikuskiftinum til eygleiðingar og fleiri kanningar, skrivar kongshúsið í stuttum tíðindaskrivi í dag sambært Ritzau.

Hjartakrampi verður eisini nevndur angina pectoris og kemur í høvuðsheitum av forkálking í hjartapulsæðrini. Vanlig sjúkueyðkenni eru pína í bringuni.

86 ára gamla Margreta drotning er troytt men við gott mót, og boðað verður frá, tá meira er at frætta, leggur kongshúsið afturat.

Dagførd kl. 14.29