Marner sleppur ikki í hægstarætt

Dómurin hjá Marner Jacobsen, fyrrverandi stjóra í Eik banka, sleppur ikki í hægstarætt. 

10. januar í ár, fekk Marner Jacobsen dómin frá Eystari landsrætti at rinda 85,7 mió kr. í endurgjaldi til Fíggjarligt støðufesti. Nú hevur Processbevillingsnævnet, sum gevur loyvi at fara í Hægstarætt, sagt nei. 

Marner Jacobsen sigur við KVF at hann er hugstroyttur, tí hann ikki sleppur í Hægstarætt, men meira vil hann ikki siga um málið. 

KVF skrivar, at Marner Jacobsen hevur trygging sum tekur við.